زمالة الباثولوجيا الاكلينيكية
الزمالة المصرية

معلومات عن التخصص

عرض جميع التخصصات



زمالة الكلينيكال باثولوجى

الدراسة ٤ سنين
سنتين في المستشفيات
و سنة معامل مركزية
وسنة في الجامعة

-لو هتقدم بالماستر
 بيتشال منه اول سنتين

 ولو هتقدم بالدبلومة بيتشال من المدة اول سنة

- الامتحانات فرست و سكند و ثيرد

- طبعا الزمالة احسن ف التدريب العملي مش مذاكرة بس زي الماستر و اسرع في الترقيات و مفهاش رسالة و دي احسن حاجة الصراحة

- بالنسبة للمستشفيات دي على حسب الاماكن المتاحة و لكن احسنهم معهد ناصر


ده تجميع لاراء فيه استطلاع رأى لزملائي الأخصائيين و الاستشاريين فى تخصص الباثولوجيا الإكلينيكية (عفوا مهنة من لا مهنة له😢😢😢)

ممكن يفيدكم :)


نصيحه أخويه قدموا في الزماله على طول في أول فرصه علشان تلحقوا الترقيات بدري
 وحاولوا بقدر الإمكان يطلع عنيكوا في الشغل سواء شغل الحكومه أو البرايفت وإتعلموا كل حاجه مش تقولوا لأ إحنا دكاتره مش نشتغل الشغل ده
لأ كل حاجه تتعلموها علشان تكونوا واقفين على أرض صلبه وتكونوا مليين مركزكزوا أمام زملاءنا الكيميائيين والفنيين
مدة الزماله للي معاه بكالوريوس ٤ سنوات. التخصص هادي مش فيه توتر أوي بس مفيش حاجه مش فيها تعب..


فرص السفر فيه اقل كتييييييير من غيره و رواتب اقل. لو مش عاوزين تحاليل فطب الأسره هو الإختيار الثاني.
لو عاوزين تعيشوا وتجيبوا فلوس وتسافروا بره


بالنسبه لتخصصنا الجميل بقى انا متحيزه له جدا جدا . تخصص محترم جدا و تقيل جدا على عكس ما هو معروف عنه و محتاج حد يكون حقيقى شاطر و واثق من نفسه و من قدراته و من أهميه تخصصه قبل ما يأخذه
لأننا للاسف بنواجه صعوبة شديدة فى التعامل مع زملائنا الأطباء نفسهم قبل اى فئة تانية
دايما بيحاولوا يحسسونا أننا درجه تانية او paramedical و مش بنفهم clinical زيهم و ده شئ غلط خالص
بالعكس احنا اكتر ناس ممكن نكون بنفهم فى كل التخصصات التانية و ممكن كمان نلفت نظرهم لحاجات كتير مش بيكونوا واخدين بالهم منها ب recommendations إللى بنكتبهالهم و بنقولهم عليها. النصيحة ان إللى عايز ياخد التخصص ده علشان سهل أو مافيهوش نوباتجيات او مافيهوش تعامل مباشر مع المرضى حايتعب جدا و ياريت يدور على حاجه تانية احسن له ممكن بقى ياخد جوده و لا انفكشن كنترول و يعيش حياته مع الورق و السياسات.
مذاكرة الكلينيكال باثولوجى صعبه و تقيله و كتيره و ماجستير الكلينيكال باثولوجى يعتبر من أصعب الماجستيرات فى جامعات مصر كلها
وقت الماجستير مش محدد يعنى ناس بتخلص فى 3 سنين و ناس بتخلص فى 5 او 6 سنين على حسب موضوع الرسالة و اوفر الحالات و وقت الامتحانات
المفروض كمان حاليا فى قرار بإلغاء الماجستير و الدكتوراة خلال سنتين
فيفضل فعلا إللى ناوى يسجل يدخل على الزمالة على طول زى ما قال الزميل الفاضل لما لها من مميزات كمان فيها تعليم و اكتساب مهارات حلوه و كتيره جدا و اماكن تدريب محترمة جدا ... بالتوفيق للجميع ان شاء الله


الكلينيكال باثولوجى كعلم ...والله ممتع جدا ...لكن فوضى التحاليل الحاصلة في مصر ....جعلته للأسف عذاب قبل وبعد الماستر.
لو حنبتدي بنفسنا و معاملنا في الجامعة لو الحكومة
يجب الاتي:
1. السعي للتطوير المستمر و اعت3ماد المعمل
2. التعليم الطبي المستمر لكل افراد المعمل
3. التواصل الفعال مع ادارة المستشفى في صورة لقاءات و اجتماعات
او عن طريق التوصيات.


ليه كل شويه بتتكوا على الوجع . نصيحتي اللي بقولها عالملأ وهي مجرد نصيحه للي عاوز ياخد بيها واللي مش عاوز كأن لم يقرأها الجيل الجديد اتجه للتخصص الدقيق وده تقدر تحققه في الزمالات الاجنبيه فقط منها هتلاقي متعتك وانفرادك بالتخصص ومنها مستقبل مفتوح ووظائف متاحه ومرغوب في تعيينك فيما بعد بالذات للي ناوي ينفتح على العالم الخارجي ويشوف مستقبل ليه ولاولاده . مصر وكل الدول العربيه بتقفل ابوابها حتى امام المتفوقين من خريجيها وراك وراك لما تحسسك بالعجز واليأس . استغلوا نشاطكم وحماسكم في البناء والحلم والعيش بكرامه مش تدفنوا نفسكم وتموتوا طموحاتكم وامالكم وتجروا سنين عمركم في احلام مبتتحققش . اللهم انها نصيحه لوجهك فليتبعها من يتبعها وليتجاهلها من يتجاهلها. ربنا يوفقكم جميعا واحنا معاكم.

انا مقلتش نسيبها ونمشي نصيحتي بس للي بدأ المشوار يبدأ الطريق صح بدل ميقضي سنين توهان شويه ماجستير وبهدلة في الجامعات والكل عارف حدث ولا حرج عالرسايل وفلوسها وبهدلتها او الدكتوراه ومشوار سنينها الطوييييل واللي مبيخلصش الا لما بيطلع روح الخلق ويستنفذ قوتهم وفلوسهم ونادرا ما بينجحوا الناس . فنصيحتي الزمالات والتخصصات الدقيقه العالم كله بيتجه لده اقل تكاليف ومده زمنيه وترقية غير عن العلم اللي الواحد بيدرسه سنين وفي الاخر لما بينزل اللاب بيتحط في قسم او اتنين بالكتير كنوع من انواع التخصص وده بيحصل عندنا في مصر وفي الخليج والدول الاجنبيه . فايه الداعي بقى ان الواحد يدرس كل شيء وعفوا يعني ميبقاش بيرفكت فيهم كما ينبغي وفي الاخر يشتغل في تخصص واحد بس ؟ بحترم اوي اساتذه الجامعات فعلا اما تحبي تتعلمي هيماتولوجي مثلا او ميكرو بتروحي لاهله من الالف للياء بتلاقي الاستاذ بيشرحلك ويفهمك وبتبقي مستمتعه بعلمه وانت كنت معايا يا ناديه وعارفه اد ايه كنا شغوفين نحضر لاستاذ بعينه من حبك لسماعه والقاؤه وطريقة شرحه الرائعه كذلك انا فعلا على كبر يعني فهمت اد ايه التخصص الدقيق افيد واهم وان استاف الجامعه ناس محترمه جدا وفاهمين ومركزين طب احنا بتوع الصحه يعني نموت نفسنا عشان طلعنا جنرال ؟ الاجابه لأ الزمالات الاجنبيه وجدت لنا لتشفي صدورنا ورغبتنا في التخصص ولانها بتفتح آفاق للي عاوز يسافر يكون مستقبله او مستقبل لاولاده . وانا خلاص هشوف اخر باب هتقفله السعوديه امتى وهرجعلك يا ناديه يا حبيبتي نرجع الذكريات في ام الدنيا 😄😄😄.

بصراحه مهنه كلينيكال باثولوجي انا بحبها وبحترمها جدا وشيقه وفيها تفكير وربط التحاليل ببعضها وانها خطوات منظمه بتعمل خطوة خطوه عشان نوصل للتشخيص النهائي الصح وكل يوم فيه جديد وعاوز قراءه مستمره...
بس للأسف مهنتنا دخل فيها كل المجالات م زراعه وصيدله... حتي العلوم والفنيين مافيش توصيف وظيفي واضح وقاطع عشان كل واحد يعرف حدوده... ممكن حد كيميائي يدخل ف شغلك interpretation ويقاوح كمان ومعندهوش مجال للحوار ... فيبقي جو شغل فيه ضغط عصبي. مريح... للاسف بيحسوا انهم اقل عشان كده بنتعب ف team work عشان نحققه...
بصراحه هى دي مشكله تخصص التحاليل انك تعمل فريق طبي متعاون بجد ماعدا كده تخصص مفيد وملم جدا...

أما عن رأيي بعد 7 سنين فالتخصص تقدروا الخضوع أننا واخدين بعض عن حب رغم كلام الناس😍

لو في حاجه حابب تضيفها او سؤال او ملاحظة ياريت تكتبها هنا

شارك الصفحة علي الفيس بوك

المشرفين علي التخصص

اسئلة الزوار

احنا محتاجين مشرفين من جميع التخصصات ياريت لو حابب تساعد تبعتلنا رسالة علي الصفحه هنا

انضم لفريق العمل