زمالة طب الاورام
الزمالة المصرية

معلومات عن التخصص

عرض جميع التخصصات

"الزمالة المصرية لطب الاورام"

تخصص نادر , و فرص القبول في الزمالة
سواء بالبكالريوس , الدبلوم , الماجستير , الزمالة
 او حتى الدكتوراة كبيرة, تقريبا كل اللي بيتقدم بيتقبل .

علاج الاورام متوزع على عدد من التخصصات

1- طب الاورام ( Medical oncology ) 
و ده مسئول عن العلاج الكيماوي لاورام الاعضاء الصلبة
 (زي الثدي , الكبد , البنكرياس ) و اورام الدم (زي اللمفوما و اللوكيميا ) للكبار فقط .

2- العلاج الاشعاعي (Radiotherapy)
 و ده علاج الاورام بالاشعاع , سواء للاطفال او الكبار.

* و الاتنين مع بعض كانوا بيتسموا تخصص (Clinical oncology)
و لكن تم فصلهم في النيابات و في الزمالة .

3- امراض الدم (Hematology ) 
 و ده امراض الدم الحميدة + اورام الدم فقط
 فبيختلف عن طب الاورام انه بيعالج اورام الدم فقط
, لكن بيزيد بامكانية عمل (زرع النخاع) لاورام الدم
و ان كان عملية زرع النخاع عمليا مش متوفرة في مستشفيات وزارة الصحة .

4- طب اورام الاطفال ( Pediatric oncology )
 و ده علاج اورام الاطفال بالكيماوي .

طبعا بالاضافة للاشعة التداخلية و جراحة الاورام .

و هنا هنتكلم عن (طب الاورام)

 

(( فترة الدراسة))

5 سنين = سنتين باطنة عامة + 3 سنين طب اورام

** سنتين باطنة عامة

بعد 6 شهور من الإستلام هتمتحن فرست باطنة (نظري)

و لما تنجح في النظري بتدخل العملي بتاع الفرست

بعد إنتهاء السنتين و نجاحك في الفرست (نظري و عملي)
 بتتنقل للتخصص الفرعي (طب الاورام)

*** الـ 3 سنين في تخصص طب الاورام متوزعة كالتالي

سنة و نصف علاج اورام الاعضاء الصلبة + سنة علاج اورام الدم + 6 اشهر زرع نخاع.

 

((نظام الامتحانات))

بعد الانتهاء من فترة سنتين الباطنة و الانتقال للتخصص الفرعي (طب الاورام)
 بيكون فيه بعد اول سنة امتحان (جزء اول) و ده في علوم ال Basic المتعلقة بالاورام

زي الـ Biology , Virology ,Pathology ,Pharmacology , Statistics

و الامتحان بيكون اختيار من متعدد , و اسئلة مقالية قصيرة.

طبعا كل المواد ديه بيتم شرحها يوم اسبوعيا في المعهد القومي للاورام بالقاهرة
و مصدر المذاكرة بيكون المحاضرات .

بعد الانتهاء من امتحان الجزء الاول ,
 بييجي امتحان الجزء الثاني في اخر السنة التالتة من التخصص
و هو عبارة عن امتحان في طب الاورام نفسه و بيكون في مادتين

Solid oncology ,Malignant hematology

و ده بيتعمل كل 6 شهور (تقريبا شهر 4 و شهر 9 )

بعد اجتياز الامتحان ده بييجي امتحان العملي و الشفوي في نفس المادتين

و ده حاليا بيتعمل مرة واحدة بس في السنة (شهر يناير)

 

((مصدر المذاكرة))

بعد اجتياز فترة الباطنة و امتحاناتها بييجي الجزء الاول من طب الاورام
و زي ما قلنا المذاكرة من المحاضرات

اما الجزء التاني من طب الاورام , فالمذاكرة بتكون من الـ (guidelines )

و اشهرها NCCN , ESMO , ASCO

و فيه بعض الكتب التانية لكن لا تغني عن الجايدلاينز اشهرها

Manual of clinical oncology

The Bethesda Handbook of Clinical Oncology

UICC manual of clinical oncology

The MD Anderson Manual of Medical Oncology

اما التكست بوك فاسمه

Devita Cancer Principles and Practice of Oncology

 

(( المحاضرات))

فيه يوم اسبوعي (السبت) في المعهد القومي للاورام لمحاضرات الجزء الاول

فيه يوم اسبوعي (الاربعاء) في المعهد القومي للاورام لمحاضرات الجزء الثاني

و فيه يوم شهري قوي جدا بيتعمل في معهد ناصر

 

((اماكن التدريب))

بعد سنتين الباطنة العامة بتتنقل للتخصص الفرعي (طب الاورام)

و من اماكن التدريب

1- المعهد القومي للاورام

و ده تقدر تقضي فيه الفترة كلها ماعدا 6 اشهر زرع النخاع

2- جامعة عين شمس

و ده تقدر تقضي فيه الفترة كلها , لكن هتتدرب (اورام الدم و زرع النخاع) في قسم امراض الدم

و هتتدرب (الاورام الصلبة) في قسم الاورام

3- معهد ناصر

و ده تقدر تقضي فيه الفترة كلها بالتوزيع بين الاقسام زي جامعة عين شمس

4- جامعة المنصورة و مركز اورام المنصورة

و ده تقدر تقضي فيه الفترة كلها ماعدا 6 اشهر زرع النخاع

5- جامعة الزقازيق

و ده تقدر تقضي فيه الفترة كلها ماعدا 6 اشهر زرع النخاع

6- جامعة الاسكندرية

و ده تقدر تقضي فيه الفترة كلها

7- مركز اورام دمياط

و ده تقدر تقضي فيه الفترة كلها ماعدا 6 اشهر زرع النخاع

8- مركز اورام ميت غمر

و ده تقدر تقضي فيه الفترة كلها ماعدا 6 اشهر زرع النخاع

9- مركز اورام طنطا

و ده تقدر تقضي فيه الفترة كلها ماعدا 6 اشهر زرع النخاع

10 - مستشفى اورام الاسماعيلية التعليمي

و ده تقدر تقضي فيه فترة الاورام الصلبة


زيارة جروب زمالة طب الاورام علي الفيس بوك

مراكز التدريب لتخصص طب الاورام

لو انت في الزمالة في مستشفي من المستشفيات دي ادخل واكتب تقرير عنها
لو شايف ان في مستشفي ناقصة .. اضغط هنا وضيفها
لو في حاجه حابب تضيفها او سؤال او ملاحظة ياريت تكتبها هنا

شارك الصفحة علي الفيس بوك

المشرفين علي التخصص

اسئلة الزوار

احنا محتاجين مشرفين من جميع التخصصات ياريت لو حابب تساعد تبعتلنا رسالة علي الصفحه هنا

انضم لفريق العمل