زمالة المعلوماتية الصحية
الزمالة المصرية

معلومات عن التخصص

عرض جميع التخصصات

زمالة المعلوماتية الصحية Health Informatics

معلومات عن التخصص

لان اغلب الناس معندهمش فكرة عن التخصص فهنتكلم عنه بشكل عام الاول
تخصص الزمالة المعلوماتية  عامل زي حلقه الوصل
 بين المستشفيات أو الوزارة ككل من ناس فاهمه احتياجاتها
 وبين الجماعه حبايبنا بتوع IT
تحت مسمى وظيفي اخصائي معلوماتية صحية
في اتجاه لتحديث الوزارة بمستشفياتها ككل وميكنه كل حاجه

- ده مطبق برة بقاله سنين بس الحمد لله دلوقتي دائما أحسن من بعدين

- مستشفيات كبيرة زي ٥٧٣٥٧ ، مجدي يعقوب محتاجين التخصص ده
 لأن هما دول إللي شغالين معلوماتية صح واعتقد بردة السلام

والتخصص فرصتة في السفر كويسة جدا

نرجع بقي للكلام عن نظام تخصص المعلوماتية الصحية في الزمالة المصرية

مدة الدراسة

مبدئيا الدراسة كانت سنتين لكنها حالياً ٣سنوات.

هيا مختلفه شوية عن باقي التخصصات لان نظام الدراسه عبارة عن كورسات ورا بعض
 مش first ,second زي الباقي
وفي نهاية كل سنه بتطلع النتيجة النهائية للكورسات مين pass ومين fail
وبيتحسب على مدار السنه اد ايه الكورسات ال passed ويتحدد الشخص دة نجح ولا لأ

بالنسبة للي مش بيعدي في كورس بيبقى في امتحان correction
 برسوم اضافيه دة لو نسبة حضوره سمحت
لأنه لو مسمحتش بيضطر يعيد الكورس كاملا مع الدفعه التي تليه.


بالنسبة لمكان الدراسه

كله داخل القاهرة

مش مكان واحد يعني كورسات اخدناها في
مقر الزمالة
وفي معهد ناصر معظم الوقت
مركز معلومات الوزارة في المنيرة
مستشفى دار السلام هرمل سابقا .


نظام الدراسة

الدراسة ف المعلوماتية لذيذة تبان أنها سهلة بس هو السهل الممتنع
 يعني لو ليك في التكنولوجي وحابب المجال دة
هتبقى زمالة المعلوماتية الاختيار الأمثل

الدراسه فيها كورسات شيقه كتير ICD10, EBM, critical appraisal, Bioinformatics , , EHR, project management ,Biostatistics, change management

وغيره يعني كفاية بس يتكتب أسامي الكورسات دى فى ال cv بتاعك صدقني بتفرق.


نظام الامتحان

في كورسات أون لاين ، في فاينال ،
 في assignment or presentation دة بالإضافة إلى أن الحضور عليه نسبة
 وال activities , assignments اللي بتتعمل سواء في البيت او ف المحاضره.


بالنسبة للحضور

يومين ف الاسبوع الزمالة بتدي جواب تفرغ بيهم السبت والاحد غالبا


جروب الفيس بوك

في جروب فيس وواتس بس للأسف محدش بيتضاف برة الدفعه


مسؤول التخصص
 ا محمد عبد الحميد اللي مش مهم أضيف رقمه
لأنه بصراحه مبيردش علينا أصلا 😂

الدراسه لذيذة لكن تنقصها زيادة الجانب العملي بالإضافة إلى أنه من المهم ان خريج المعلوماتية يعرف هيطلع منها بايه ودة بردة مش واضح لان التخصص جديد إلى حد ما اتخرج دفعتين والتالته بتدرس حاليا دة مش إحباط والله بس دة للأمانة

مراكز التدريب لتخصص المعلوماتية الصحية

لو انت في الزمالة في مستشفي من المستشفيات دي ادخل واكتب تقرير عنها
لو شايف ان في مستشفي ناقصة .. اضغط هنا وضيفها
لو في حاجه حابب تضيفها او سؤال او ملاحظة ياريت تكتبها هنا

شارك الصفحة علي الفيس بوك

المشرفين علي التخصص

اسئلة الزوار

احنا محتاجين مشرفين من جميع التخصصات ياريت لو حابب تساعد تبعتلنا رسالة علي الصفحه هنا

انضم لفريق العمل