معلومات عن التخصص

عرض جميع التخصصات

الزمالة المصرية لأمراض الكلى 

فترة الدراسة

عبارة عن 4 سنين
سنتين باطنة عامة و سنتين كلي

أول سنتين (الباطنة) :-

بعد 6 شهور من الإستلام هتمتحن فرست باطنة (نظري)
و لما تنجح في النظري بتدخل العملي بتاع الفرست

بعد إنتهاء السنتين و نجاحك في الفرست (نظري و عملي) بتتنقل للتخصص الفرعي (الكلي)

بعد 6 شهور من إستلامك في الكلي بتمتحن فرست كلي (نظري بس)
 أما لو انت داخل لزمالة الكلي بماجستير باطنة
 هتدخل اول امتحان يعدي عليك بدون انتظار 6 شهور

= بعد الفرست بتقضي
 باقي السنتين بتوع الكلي و بعد نهاية السنتين بتدخل السكند و لما تنجح بتدخل الثيرد

= لو هتقدم بالبكالوريوس
 هتاخد الأربع سنين كاملين

لو هتقدم بماجستير باطنة 
هتتعفي من أول سنتين و من إمتحاناتهم

لو هتقدم بدبلوم باطنة حديث 
هتتعفي من سنة باطنة
 لكن مش هتتعفي من اي إمتحانات

لو هتقدم بدبلوم باطنة قديم (وان شوت)
 هتتعامل زي البكالوريوس بالظبط

نظام الامتحانات

بالنسبة لأمتحان الفرست (كلي)

= الفرست بيتعمل مرتين في السنة .. فبراير و يونيو
= اللي داخل بالماجستير بيمتحن اول دور يعدي عليه و له فرصتين فقط
= اللي داخل بالبكالوريوس لازم يقضي 6 شهور تدريب في الكلي قبل ما يدخل الفرست و له 3 فرص
= الامتحان عبارة عن ورقة واحدة 100 سؤال ام سي كيو في ساعتين ... 20 سؤال فسيولوجي و 80 نفرولوجي
= كل سؤال عبارة عن case وعليها 5 اجابات

المنهج

 المطلوب منك في الفرست موجود بالتفصيل  في الصورة دي

لكن للاختصار
عليك كل حاجة ماعدا ال dialysis بأنواعه و كذلك الزرع
المفروض acid - base مش معاك في الفرست لكن بتنزل في وسط حاجات تانية فلازم تذاكر أسئلتها

المصدر الاساسي للمذاكرة

 هو حل اسئلة ام سي كيو كتيييييير و تجميع اكبر قدر من الافكار اللي بتنزل لأنها بتتشابه و تتكرر
 لكن هتجمعها بكتر قراءة الأسئلة من مصادر كتير و متنوع بين الامريكي و البريطاني و الصعب و السهل و المباشرة و العميقة ..
 ده اهم شيء على الاطلاق و اهم بكتير من مذاكرة النظري

= محدش يفتح اوكسفورد او برايمر يقرا منه لوحده و يفكر انه كده هينجح ..
 لازم تتدرب على طريقة السؤال و طريقة التفكير و مواضع الاسئلة المشهورة و المفتاح في كل حالة ..
ده مش هيجي الا من خلال الكثير من الاسئلة ..
 اما النظري فيبقى جنبك كمرجع فقط علشان تكمل معلومة معينة او تفهم حاجة مش فاهمها من الاجابات ..
 او تقرأ منه المواضيع الرئيسية في اوقات تانية جنب حل الاسئلة

= نيجي بقا للسؤال الأهم .. نذاكر منين
مصادر الأسئلة كتير اوي و لكن للتبسيط حاولنا نجمع خبرات الناس عن المصادر المهمة
و اهمها بالتأكيد أسئلة ال MRCP الجزء الاول منها بالذات
 بالإضافة بلعض مصادر أمريكي زي MKSAP و هاريسون

= في مذكرة مطبوعة في شكل كتاب بإسم مكتبة الشرق الأوسط
عبارة عن تجميع لأسئلة من مصادر متنوعة و ناس كتير بيشكرو فيها ..
و المذكرة اسمها best of five و الغلاف لونه اسود و بتتباع في مكتبات القصر العيني و فروع مكتبة المروة في المحافظات

= بالإضافة لكده جمعنا بعض الملفات اللي برضو ناس كتير شكرو فيها سواء فسيولوجي او نفرولوجي
و طبعا دي مش كل حاجة .. و لا حد قال انها مصادر الامتحان
دي مجرد نماذج تتدرب عليها علشان الامتحان بيبقى شببهها و فيها معلومات كتير اساسية لازم تكون عارفها
و برضو محتاجين اي حد عنده اضافة يفيدنا بيها و يبقى علم ينتفع به و ربنا يكرمه
و في مجموعة ملفات كتييير في ال files بتاعة الجروب ياريت نشوفها بردو

ملفات امتحانات الجزء الاول

كتب الكلي ومصادر الاسئلة

هناك ما يزيد عن 100 كتاب تكست نفرولوجي في كل البرانشات
 بالإضافة لآلاف الأسئلة و الملخصات التي أرجو أن تفيد كل من يستعد للإمتحانات

مع أطيب الدعوات


Nephro Questions

Click here : Nephro Questions


 Nephro books

Click here ::  Nephro books


الكتب من رفع  د/ عبد الله البخاري جزاه الله خيرا




= الوقت المطلوب للمذاكرة 
حسب ظروف كل واحد و وقته و قدراته
لكن بالتقريب كده لو انت متفرغ تماما طول اليوم للمذاكرة محتاج من 3 اسابيع لشهر علشان تبقى مستعد كويس
و طبعا بما ان كل الناس وراها حاجات تانية و مش هيقدر يفضي نفسه 100 % قبل الامتحان
 يبقى لازم يبدأ بدري و يدي متسع لنفسه خصوصا لو هيبدا من الصفر و مذاكرش نفرولوجي قبل كده
الوقت حاليا لسه بدري اوي و يكفي اي حد لسه مبدأ ش إنه يذاكر و يطلع الأول بدون مبالغة
و الحمد لله نسب النجاح في الفرست دايما بتكون كويسة

س و ج

= س : ليا كام فرصة في إمتحان فرست الباطنة

- ج : لك 3 فرص و لو أستنفذتهم و خلصت السنتين بتخلي من الزمالة و ترجع مكانك الأصلي و لك فرصة رابعة إستثنائية لو نجحت فيها ترجع تكمل

= س : ليا كام فرصة في فرست الكلى

- ج : لك 3 فرص لو انت داخل بالبكالوريوس أما لو مقدم بماجستير يبقى فرصتين بس


لو في حاجه حابب تضيفها او سؤال او ملاحظة ياريت تكتبها هنا

شارك الصفحة علي الفيس بوك

المشرفين علي التخصص

اسئلة الزوار

احنا محتاجين مشرفين من جميع التخصصات ياريت لو حابب تساعد تبعتلنا رسالة علي الصفحه هنا

انضم لفريق العمل