زمالة القلب والاوعية الدموية
الزمالة المصرية

معلومات عن التخصص

عرض جميع التخصصات

زمالة القلب والاوعية الدموية

مدة الدراسة 

للي مقدم بالبكالوريوس
زمالة الكارديو 5 سنوات 2 باطنة عامة ثم 3 كارديو
ولو عاوز معلومات اكتر عن سنتين الباطنة اضغط هنا " زمالة الباطنة العامة "

لكن لو ماجيستير قلب
بيعفي من سنة باطنة وسنة قلب
بياخد سنة باطنة وسنتين قلب
 ويعفى من امتحان الجزء الأول في القلب

ولو ماجيستير باطنة
 بيعفي من سنتين الباطنة وتاخد 3 سنوات كلها قلب

ولو دبلومة باطنة ساعات معتمدة (جزئين)
 بيعفي من سنة باطنة وبياخد سنة باطنة و3 سنين قلب

ولو دبلومة قلب ساعات معتمدة (جزئين)
 بيعفي من 6 شهور باطنة و6 شهور قلب،
 وبياخد سنة ونص باطنة وسنتين ونص قلب


القبول في تخصص القلب

القبول بالبكالوريوس عدد قليل في حدود حاجة وتلاتين في الحركة
 وتخصص تنافسي اخر المقبولين ممكن يبقى جيد جدا مادة (باطنة يعني ) وجيد جدا عام

مرتبة الشرف بتفرق جدا في القبول (اخيرا لقيتلها ميزة)
 مكنتش هتقبل من غيرها بتتقبل فبل التقدير الفعلي بالرقم يعني لو واحد جيدجدا مرتبة ب 76 يتقبل قبل بكتير من جيدجدا من غير مرتبة84

القبول بالماجستير والدبلومة صعب جدا يكاد يكون معدوم في الكارديو


نظام الامتحانات

اول سنتين الباطنة بتمتحن فرست باطنة بعد 6 شهور من الاستلام نظري
 وبعد النجاح باذن الله تدخل العملي بعني فرست الباطنة نظري وعملي

ثم بعد سنتين الباطنة يخلصوا تتنقل للتخصص
 وبعد 6 شهور تمتحن فرست كارديو بعدين بعد انتهاء ال 5 سنوات تدريب تمتحن سكند كارديو نظري
وبعده الثيرد اللي هو عملي،
 ويوجد امتحان عملي آخر قبل أو بعد السكند اسمه Procedure Based Assessment

ده عبارة عن امتحان ممارسة عملية لحالة إيكو وحالة قسطرة تشخيصية، يتم عملها أمام الممتحنين، والنجاح في هذا الامتحان شرط لدخول الامتحان النهائي.

زمالة القلب تتميز أنها تتيح لك الفرصة للتدريب في أماكن بها كل ما يخص تخصص القلب وفروعه الكثيرة، السنة الثالثة يفترض أن تكون قلب عامGeneral cardiology

يعني مرور بالقسم وعناية القلب مع نوبتجيات

السنة الرابعة والخامسة مقسمة rotations كل 3 شهور كالتالي:

CCU

Echo

EPS

Congenital

Cardiac imaging (CT, MRI)

Nuclear cardiology

ده غير التدريب في القسطرة التشخيصية اللي غالباً بيكون يوم أسبوعيا طوال فترة السنتين.

برنامج الزمالة نظرياً برنامج قوي جداً، ولكن على أرض الواقع يعتمد تنفيذه بصورة كبيرة على مجهود المتدرب والتزامه في الحضور والعمل، يعني ما حدش هيجري وراك يشوفك بتحضر فين، ولا هيسقيك العلم بالمعلقة، لازم تحضر وتجتهد وهتاخد فرصتك.


من أهم عيوب تدريب زمالة القلب من وجهة نظي هو إن ما فيش مكان ممكن تحضر فيه الثلاث سنوات كاملة، لازم هتنقل من مكان للتاني لأن الأماكن المعتمدة للسنة الثالثة والرابعة غير الأماكن المعتمدة للرابعة والخامسة للأسف، فلازم تنقل في النص، يعني ممكن تحضر في مكان سنة وعلى ما تكون عرفت نظامه وظبطت أيامك وثبت أقدامك، تتنقل لمكان جديد بيعتبرك مستجد لسه ومحتاج تثبت نفسك فيه.


توضيح: كل الأماكن المعتمدة لرابعة وخامسة هي معتمدة للسنة الثالثة، ولكن  إدارة الزمالة لا توزع عليها متدربين سنة ثالثة لإتاحة الأماكن لمتدربي سنة  رابعة وخامسة لأنها أقل في العدد من أماكن تدريب سنة ثالثة.

للأسف حتى الآن تدريب زمالة القلب لا يتيح لك دخول امتحان البورد العربي في القلب لاختلاف سنوات تدريب الباطنة العامة، فالبورد العربي يتطلب 4 سنوات باطنة عامة قبل القلب، بينما الزمالة المصرية تدريبها سنتين باطنة قبل القلب، الحالة الوحيدة الممكنة لتجاوز هذه العقبة هي التقديم لزمالة القلب بعد الحصول على زمالة باطنة عامة كاملة 4 سنوات أو زمالة بريطانية MRCP وعلى حد علمي لا يوجد أي شخص قام بعمل ذلك حتى الآن.


اليوم العلمي لزمالة القلب
 يكون يوم الأحد أسبوعياً بمعهد القلب القومي بامبابة، ويحاضر فيه نخبة متميزة من أساتذة المعهد


زمالات القلب التخصصية  :

معلومات عن زمالة الموجات الصوتية على القلب

وان شاء الله قريب نتكلم عن

interventional cardiology

pediatric cardiology


مسؤول التخصص
أ. أحمد الجوهري وتليفونه: 01002670912
ومشرف التخصص د. إيمان اللباني: 01003400103

لو في حاجه حابب تضيفها او سؤال او ملاحظة ياريت تكتبها هنا

شارك الصفحة علي الفيس بوك

المشرفين علي التخصص

اسئلة الزوار

احنا محتاجين مشرفين من جميع التخصصات ياريت لو حابب تساعد تبعتلنا رسالة علي الصفحه هنا

انضم لفريق العمل