امتحان عملي الباطنة

امتحان عملي الباطنة

امتحان عملي الجزء الاول للباطنة في الزمالة المصرية

احنا عملنا الفيديو ده بدل الكتابة والكلام الكتير شوفوه بس وهتعرفوا نظام الامتحان ان شاء الله




نظام الإمتحان بإختصار

عبارة عن أوسكي OSCE

يعني حالات قصيرة مركزة على جزء صغير من الفحص

عددهم 4 حالات

- كل واحدة 10 دقايق

- 7 دقايق مع المريض

- و 3 دقايق سؤال سريع من الممتحن


و ال 4 حالات بيكونو في الاربع برانشات الاساسية

كارديو - نيورو - شيست - ابدومين

و بيكون منهم

- 3 حالات فحص

-و واحدة هيستوري


و قبل كل حالة بتاخد دقيقتين تقرأ الكلام على الباب

بيكون فيه ملخض سريع عن الحالة و المطلوب فيها بالتحديد

علشان ترتب افكارك و تدخل جاهز
وبتبقى عارف دى لجنه هيستورى ولا اكزاميناشين وتبقى عارف انت فى انهى برانش
History
chest pain, dyspnea, Abdominal pain , hemoptysis , heamatmsis , cough and expectoration , headache , palpitation , diarrhea


Examination 
hemiplegia, COPD, HSM in CLD , Valvualr heart disease and Pros. valve

Questions
summarize your findings
What's your diagnosis or D.D
What's the investigations and TTT .

-----

الحالات تقريبا معروفة.. و مفيش مفاجئة.

لكن الفكرة انك تدخل اللجنة تشتغل اوتوماتيك بدون تفكير
و تنفذ خطوات حافظها و مرتبها و مجربها قبل كده و متدرب عليها

و كذلك في لجنة الهيستوري تكون حافط الاسئلة بالعربي و مرتبها
و عارف كل حاجة تسأل عنها إزاي من غير ما تنسى حاجة

الخلاصة هي انك تكون جاهز و حافظ اللجنة قبل ما تدخل..
و بمجرد انك تشوف علي الباب ان دي لجنة كذا يبقي كأنك دوست علي زرار شغلت فيديو مدته 7 دقايق.

مفيش مجال تقف تفكر هتعمل ايه او تنسي حاجة و ترجع تعملها

كل كلمة او حاجة هتعملها في اللجنة عليها درجة من اول صباح الخير
و انت داخل لغاية السلام عليكم و انت خارج


لازم تجمع بين حاجتين مهمين.

. تشوف الزمالة عايزة ايه و الممتحن عايز ايه..

 الزمالة عايزة
نظام اجنبي بالحرف.. تدخل تسلم و تغسل ايدك و تستأذن المريض و الخ الخ..
و الممتحن عايز
يشوف الشغل الفعلي و فحص بجد مش تمثيل .. و عايزك تجاوب كويس علي الأسئلة.. و كل ده مش صعب

نيجي بقي للجد.. ازاكر ازاي ؟

اول حاجة


مصادر المذاكرة

لازم أشهد إن اقوي مصدر لامم الدنيا هو ورق شيتات كان منزله احد زملاءنا ربنا يشفيه و يكرمه..
كاتب كل حالة في صفحة واحدة شاملة كل حاجة من الالف للياء..
ده خلاصة الليلة و لازم يتحفظ و يتبروز كمان و انا استفدت منه كتييير
هو بس ناقصه كام لجنة بينزلو هيستوري لم يسعفه الوقت لعملهم لكن الاجزامينيشن كامل سوبر لوكس
لو نفذتهم بالحرف تطلع الأول بإذن الله
موجود في اخر الصفحة في الملفات


- كتاب محمد على بتاع القصر العينى او محمود علام
وبيتميزوا ببساطه الاسلوب وبوجود شيت كامل فى نهايه كل شبتر
مغطى كل حالات الامتحان

- فيديوهات محمد رجب او محمود علام او نوران
للى عاوز يشوف الخطوات وال manoeuvre بالتفصيل على حالات الامتحان
وتشوف ال abnormal findings .

-فيديوات geeky medics , Macloed
ودى تخليها للاخر عشان تدرب على خطوات و نظام الاوسكى
وخلى بالك عاملين الفيديوهات على حد نورمال مش مريض .

-ملف اسمه scheme osce
حتلاقبه مرفوع على ملفات الجروب
وداه خلاصه الخطوات اللى حتتعمل فى الامتحان
ومتاخد من الكتاب الباكستانى بتاع الاوسكى.

تاني حاجة
لو انت مقريتش كلينيكال من زمان يبقي تقرأ من مصدر خفيف و مصري مش اجنبي

تالت حاجة
تشوف فيديوهات اجنبي علشان تعرف الطريقة و تشوف الوقت بيتظبط ازاي في دقايق قليلة بس لاحظ ان كل الاجنبي نورمال لكن انت هتطلع ساينز علي العيان و تعلق علبها ازاي
والفيدوهات موجوده في اخر الموضوع

رابع حاجة
تحضر في القصر العيني ايام السبت و خصوصا مع الأستاذ الفاضل د/ أحمد جادو و اروع شخصية ممكن تعلمك اوسكي

خامس حاجة
تسمع محاضرة د/ احمد جادو عن. شرح نظام الاوسكي متسجلة من السنة اللي فاتت و معاها البوربوينت و موجودة في اللينكات.. و لو عملكم واحدة جديدة دلوقتي يبقي خير و بركة

سادس حاجة
لازم تجرب مرة و اتنين و تلاتة علي حد زميلك او اي حد علشان تظبط الوقت و تشوف اللي بتنساه تأكد عليه و تعيد تاني


خطوات الامتحان :-

- بتقف دقيقتين على الباب بتقرا الورقه المتعلقه وبتعرف اللى عاوزه منك وبتخبط الباب وبتسلم على الممتحن والمربض
معاك كارنيه الزماله فى ابدك ولابس البالطو ومعاك سماعتك وساعتك فى ايدك لامحتاج جهاز ضغط ولا غير ولا تفكر انك تقيس ابضغط هو بيكتبه فى الورقه
بتعرف نفسك للمريض انا الدكتور فلانى من المستشفى الفلانيه اسمك ايه وسنك
ممكن اكشف على بطنك او صدرك او اخد منك تاريخ مرضى
واغسل ايدك بالجيل وانت بتكلمه وابدا فى الاكزاميناشين خلال ال 7 دقايق
وبتقولى بصوت عالى وانت شغال عشان الممتحن يسمع وهو شايفك
وفى اخر لجنه الهيستورى بس بتسئل المريض سؤالين عاوز تسئل او تستفسر عن حاجه
قلقان او خايف من حاجة ..وقبل ما تمشى من اللجنه اغسل ايدك بالجيل واشكر المريض والممتحن .

- بالنسبة للهيستورى
دى اسهل لجنه
- بتبدا تاخد complain وبعد كده present history وتعمل analysis كامل لشكوى المريض
وتسءءل عن ال D.D مهم جدا وتسءل عن المريض اتحجز فى مستشفى
عمل فحصوصات ايه واخد علاجات ايه واتعمل له اى procedures فى المستشفى
الحاجات دى بتساعد فى الوصول لل diagnosis
وتسءل عن past and family history .

- لجنه اكزامينيشن 
متتعتبشى المريض معاه لو حاجه تتعمل والعيان نايم خلص كل حاجه والعيان نايم
ولو حتقعده خلص كل حاجه وابعيان قاعد ومتفضلشى كل شويه تقعد وتنيم فى العيان
- متعملشى اى painful manoeuvre وخليك جينتل معاه
- اعمل ال general examination اللى يخص system اللى حتعمله لوكال
وكان فى بوست للاخونا محمد عبد الستار كاتب فيه اللى حنشوفه فى الجينرال فى كل سيستم .
- وقت لجنه النيورو مبيكفيش الاكزاميناشين عاوز له ربع ساعه مش سبع دقايق
لذلك انجز بسرعه وركز على الحاجات الكبيره ولو ملحقتش قول للممتحن كنت عاوز اعمل كذا وكذا .
- مش علينا cranial nerves
In hemiplegia case : examine LL or UL حيسءلك داه او داه


سابع حاجة
تناااام كويس ليلة الامتحان و ده ضروري جدا و مهم جدا جدا. حتي لو عندك ارق خد منوم... و لو بتسافر حاول تبات في القاهرة او توفر وسيلة سفر مريحة و تروح فايق و مركز و شارب شايك او قهوتك و مزاجك حلو


تامن حاجة
و هي المفروض اول و اهم حاجة.. روح و انت عارف ان رزقك متحدد و درجتك مكتوبة و نصيبك لازم هتاخده و محدش في ايده يضرك او يأذيك أو يغير حاجة ربنا كتبهالك و خلي معنوياتك مرتفعه و كل ثقتك في كرم ربنا و توفيقه و إنه مبيضيعش تعب حد

و بجد و الله النحاح في العملي سهل جدا بإذن الله و أسهل من النظري لأن مفيهوش مفاجآت.. واحد زائد واحد يساوي اتنين.. و ناس بتقفل لجان عادي و ناس بتجيب في التوتال أكتر من 90 % و نسبة النجاح دايما أعلي من النظري


الفيديوهات


و الشيء المهم اللي كل الناس أكدت عليه هو

الفيديوهات العملي و طريقة التعامل و المقدمات و الترتيب و خلافه

و دي لازم نشوفها و نتدرب عليها


علشان كده جمعنا كل المصادر اللي الناس قالو عليها

او جربوها قبل كده و شكروا فيها ..

منها العربي و الاجنبي و منها الطويل و المختصر كل واحد حسب راحته

Card image cap

Clinical Examinations

Card image cap

Geeky Medics OSCE

Card image cap

Macleod's Clinical examination 13th edition

Card image cap

ABC To Clinical

Card image cap

فيديوهات د محمد علي

Card image cap

Oxford Medical Education





















الملفات والفيديوهات 


تسجيل محاضرة أ.د/ أحمد جادو
 Download
باوربونيت محاضرة أ.د/ أحمد جادو
 Download
شيتات د حسام رضوان
 Visit
HISTORY By Dr Mohammed Razkey
Download
مازنيات : بوستات د مازن مهمة جدااا
 Download
فيدوهات د محمود علام
 Watch
كتاب د محمود علام - chest - abdomen
 Download
كتاب د محمود علام - general- cardio
 Download
كتاب د محمود علام - Neuro
 Download
4 فيديوهات GEEKY MEDICS المهمين
 Download
OSCEs for Medical Finals
 Download
ده فهرس لكل البوستات الخاصة بالاوسكي علي الجروب
 Download


شكر خاص للدكتور احمد سليمان ود ابومازن ولكل القائمين علي جروب زمالة الباطنة العامة علي الفيس بوك
لو في لينك مش عارف تحمله .. يبقي انت مش عضو في جروب زمالة الباطنة العامة علي الفيس بوك اضغط هنا واعمل انضمام
ردود الاعضاء
لو في حاجه حابب تضيفها ممكن تكتبها هنا
لاضافة رد يجب تسجيل الدخول اولا

شارك الصفحة علي الفيس بوك

كتب الموضوع
اسئلة الزوار

احنا محتاجين مشرفين من جميع التخصصات ياريت لو حابب تساعد تبعتلنا رسالة علي الصفحه هنا

انضم لفريق العمل